Tabata 30 di Mei di anja 2006 ku Radio Energia Online a kuminsa stream, pa prome biaha komo prueba. E parti ofisial tabata 27 di yuni di anja 2006. Korsou a hanja su prome radio emisora ku ta konsentra solamente riba internet ku ta karga e nomber Radio Energia Online.  

Tur programa ku nos ta presenta ta na e idioma papiamentu ku eksepshon di entrevistanan ku nos ta hasi na otro idioma  ku personanan di otro pais.e parti musikal ta hopi varia nos ta toka muziek lokal i international.

E programashon ta hopi varia paso Radio Energia Online ta konsentra riba  hoben i adulto. Nos di Radio Energia Online ta trata semper p'e programanan ku nos ta presenta tin kontenido i ta na nivel p'e oyente ku ta skucha, pesei nos ta e radio positivo.

Radio Energia Online no ta promove niun disko sin kontenido (bulgar). Loke radio energia ta konsentra riba dje ta pa duna Informashon di Notisia, Deporte, Kultura di Korsou, Farandula lokal i International.                                                                        Aparte ku nos ta radio nos tin nos site ku ta www.radioenergiaonline.com bo por wak sierto sekshonnan ku nos ta ofrese riba nos site i e parti propaganda ku nos por ofrese na nos klientenan.

Sperando ku lo bo disfruta semper di Radio Energia Online unda ku bo ta, nos ke gradisi bo p'e sintonia i lo garantisa bo ku nos di Radio Energia Online lo sigui traha pa kalidat. Nos meta ta pa Eduka,Entretene i Informa.  

            StudioTel:888-2597